Елімізде бірнеше өңірде күн суытады

Кеше бірқатар өңірде жел күшейіп, қарлы боран соқты. «Қазгидрометтің» хабарлауынша, бүгін де ел аумағында ауа райы күрт нашарлайды.

Абай, Ақмола, Шығыс Қазақстан, Қарағанды, Қостанай, Павлодар және Солтүстік Қазақстан облыстарында қар, боран, көктайғақ және тұман болады. Желдің екпіні кей жерлерде секундына 23–28 метрге жетеді.

Синоптиктер Астана қаласында да қар жауып, боран соғады деп болжайды. Еліміздің батысы мен оңтүстігінде де тұман түсіп, жел күшейеді. Солтүстік Қазақстанда ауа температурасы күрт төмендеп, түнде минус 25 градус, ал ертең 37 градус аяз болады.