Басты Жаңалықтар Қостанай облысында қар құрсауынан 24 адам құтқарылды

Қостанай облысында қар құрсауынан 24 адам құтқарылды

23.02.2026 10:17

Қостанай облысында ақ түтек боранда жолда қалған 24 адам құтқарылды. «Өзбекстан–Ресей» бағытында келе жатқан жеңіл автокөлік Арқалық қаласының маңында қалың қарға батып, шыға алмай қалған. Құтқарушылар дереу көмекке жетіп, 3 шетел азаматын уақытша жылыту пунктіне орналастырды.

Сондай-ақ Денисов ауданы Перелески ауылы тұсындағы «Қостанай–Қарабұтақ» тас жолында қар құрсауында қалған 7 көліктегі 13 адам, Жітіқара мен Қарасу аудандарында тағы 8 адам эвакуацияланды. Оның ішінде бір бала бар. Зардап шеккендер жоқ. Мамандар қолайсыз ауа райы кезінде алыс сапарға шықпауға кеңес береді.

Бөлісу