Алматыда қар көшкінінен бір адам қаза тапты

Оқиға Медеу ауданындағы Титов асуында, теңіз деңгейінен 3400 метр биіктікте болған. Төрт туристің екеуін қар басып қалған. Олардың бірі қалың қар астынан өздігінен шығып үлгерді. Оқиға орнына құтқарушылар, кинологиялық топ пен еріктілер жедел жетті. Мамандар екінші туристі іздестіру кезінде оның мәйітін қар астынан алып шықты. Оқиға орнына полиция қызметкерлері мен құтқару қызметінің психологтары шұғыл жетіп, зардап шеккендерге психологиялық көмек көрсетті.