Басты Жаңалықтар «Көкшетау» табиғи паркі жаңа техникалармен толықты

«Көкшетау» табиғи паркі жаңа техникалармен толықты

19.02.2026 17:37

«Көкшетау» мемлекеттік ұлттық табиғи паркі биыл «КамАЗ» маркалы 17 өрт сөндіру техникасымен қамтамасыз етілді. Лизингтік қаржыландыру аясында оған 1 миллиард 400 миллион теңге бөлінген.

Мемлекет басшысының тапсырмасына сәйкес 2023 жылдан бастап мемлекеттік парктердің материалдық-техникалық базасы жаңартылуда. Осы аралықта 60-тан аса техника сатып алынған. Нәтижесі қуантарлық. 182 мың гектар аумақтың 75 пайызы орманмен көмкерілген ұлттық паркте соңғы екі жылда бірде-бір ірі өрт болмаған. Заманауи көлік қозғалыс кезінде өрт сөндіруге мүмкіндік беретін қуатты су сорғысымен, сыйымдылығы 3 текше метр суға арналған цистернамен және радиобайланыс құралдарымен жабдықталған. Мемлекеттік инспекторлар орман өртімен күресуге сақадай сай дайынбыз дейді.

Жолдасхан Қарабаев, «Көкшетау» МҰТП бас директоры:

Трактор, патрулдік көлік, қазір мына КамАЗ-дардан да басқа әр филиалда 2-3 өрт сөндіретін көліктер болған. Енді әр филиалға 4-4 КамАЗ бөлінеді. Әр филиалда камералар күні-түні істеп тұр.