Жыл басынан бері зейнеткерлерге 395 млрд теңге зейнетақы төленді

1 ақпандағы санақ бойынша елімізде егде жастағы 2,5 млн адам бар. Жыл басынан бері оларға республикалық бюджеттен 395 млрд теңгеден астам зейнетақы төленген. Жалпы базалық зейнетақы мөлшері - 53 912 теңге. Егер азаматтың еңбек өтілі 10 жыл немесе одан аз болса, төлем ең төменгі күнкөріс деңгейінің 70 пайызын құрайды. 10 жылдан асқан әр жыл үшін төлемге 2 пайыз қосылады. Мысалы, еңбек өтілі 20 жыл болса, базалық зейнетақы 90 пайыз, ал 34 жыл және одан көп болса, 118 пайыз көлемінде төленеді.