Алматыда «Жарқын Болашақ» олимпиадасының аудандық кезеңі өтті

Алматыда «Жарқын Болашақ» республикалық қазақ тілі олимпиадасының аудандық кезеңі өтті. Жарысқа 7-11 сынып аралығындағы оқушылар қатысты. Байқау бес бағыт бойынша ұйымдастырылған. 120-дан аса қатысушы қазақ әдебиетіндегі туындыларды комикс жанрында бейнелеп, шешендік өнер мен мәнерлеп оқудан шеберліктерін көрсетті. Аудандық кезең қорытындысы бойынша үздік деп танылған оқушылар облыстық кезеңге жолдама алды. Ұйымдастырушылардың айтуынша, «Жарқын Болашақ» олимпиадасы жасөспірімдердің мемлекеттік тілге деген қызығушылығын арттырып, олардың зияткерлік әлеуетін дамытуға бағытталған маңызды жоба.

Назерке Сәдуақас, қазақ тілі мен әдебиеті пәнінің мұғалімі:

Жас қаламгер бағытында нақты тақырыптар беріледі әдебиет бойынша. Ол тақырыптарда новелла, яғни нақты сюжетке бекітілген әңгімелер жазады. Әнші бұлбұлдар бағыты екіге бөлінеді. Эстрада және ұлттық әндері, яғни халық әндері. Осы тұрғыда, халықтық тұрғыдан алған кезде балалардың әнді шырқау қабылетімен қоса, ұлттық таныымдық бейнесі көрінеді.