Сарапшы: Қазақстан көрші мемлекеттерді де жаңғыртуға ынталандырып отыр

Қазақстан оң өзгерістер үшін батыл қадамдар жасап, көршілес мемлекеттерді де жаңғыруға ынталандырып отыр. Армениялық сарапшының пайымы осы. Ол Қазақстан өзін көптеген елдер үшін сенімді серіктес ретінде көрсете білді дейді.

Джонни Меликян, Армения Республикасы Премьер-Министрі аппараты жанындағы департамент басшысы /Армения/:

Қазақстан өзін көптеген елдер үшін сенімді серіктес ретінде көрсете білді. Шетелдік инвестициялар үшін қолайлы әрі сенімді ел ретінде танылды. Батыс компаниялары келіп жатыр, британдық арбитраж тетіктері жұмыс істейді. Көрсеткіштерге сенсек, Батыс Қазақстан арқылы оның көршілес мемлекеттері мен басқа да нарықтарда, өңірлерде өз стратегиясын жүзеге асыруға тырысады. Сондықтан бүгінгі таңда, бір жағынан, өңір елдері арасында салауатты бәсекелестік байқалады. Бұдан бөлек, бұл өзгерістер арқылы, меніңше, Қазақстан көршілес мемлекеттерді эволюциялық даму, жаңғырту және реформалау жолына түсуге ынталандырып отыр».