Олимпиада: Қазақстандық 6 спортшы жүлдеге таласады

Италиядағы Ақ ойындардың бүгінгі жарыс күнінде қазақстандық атлеттер спорттың 3 түрінен бақ сынайды. Олар: шаңғы, биатлон және мәнерлеп сырғанау жарысы. Спорттық сайыстарды «Qazsport» телеарнасы тікелей эфирде көрсетеді. Сағат 15:35-те шаңғышылар еркін стиль бойынша сынға түседі. Ерлер арасындағы 10 шақырымдық жарысқа үш отандасымыз қатысады. 17:50-да биатлоннан ерлер спринт бәсекесінде өнер көрсетеді. Ал, 22:55-те мәнерлеп сырғанаудың еркін бағдарламасы, яғни финалы болады. Миланның мұз айдынында Қазақстан намысын Михаил Шайдоров қорғайды. Қысқа бағдарламада ол 5-ші орын алған еді. Енді шешуші сында медаль жеңіп алу үшін жарысқа шығады.