Энергетикалық дағдарысқа байланысты Ресей әуе қатынасын тоқтатуда

Ресей Кубада жүрген туристерін әкету жоспарын жариялады. Сонымен қатар, Мәскеу «Бостандық аралында» энергетикалық дағдарыс жеңілдегенше, бұл елге барлық әуе рейсін доғармақ. Мұны «Росавиация» хабарлады.
Жақында АҚШ президенті Дональд Трамп Кубаны «Америкаға төнген ерекше қауіп» деп сипаттап, оған Венесуэла мұнайын жібермейтінін мәлімдеді. Сонымен бірге Ақ үй Мексика коммунистік аралына отын экспорттаса, тарифтерді көтеретінін ескертіп отыр.
Сейсенбі күні Кубаның өзі де жанармай тапшылығына байланысты шетелдік ұшақтарға керосин құя алмайтынын хабарлады.