Ким Чен Ын қызын басшылық қызметке дайындауда

Солтүстік Корея лидері Ким Чен Ын қызының саясаттағы позициясын күшейтіп, оны өз орнына қалдыруға әзірлеп жатыр. Мұны бүгін Оңтүстік Корея парламентінің  депутаттары ұлттық барлау агенттігінің деректеріне сүйеніп мәлімдеді. Кейінгі жылдары әкесінің істеріне үлес қосып, көзге түсе бастаған бойжеткеннің есімі  Ким Джу Э болса керек. Кейбір деректерге қарағанда, ол 13 жасқа енді толды.

Айта кетсек, Солтүстік Корея мемлекеттік ақпарат құралдары Энің әкесімен бірге түрлі жиында, әскери парадтарда, қару-жарақ сынақтарында жүргенін  жиі көрсетіп отырады.