Үндістанда шахтадағы жарылыс құрбандарының саны 30-ға жетті

Үндістанның солтүстік-шығысындағы заңсыз көмір шахтасында жарылыстан қаза тапқандар саны 30-ға жетті. Мұны жергілікті әкімшілік хабарлап отыр. Шығыс Джайнития Хиллз ауданындағы кен орнында алапат жарылыс 5 ақпанда болды. Сол кезде дереу өрт басталып, жұмысшылар жер астынан шыға алмай қалған. Әзірге тоғыз адамның жараланғаны белгілі.

Мерт болғандардың аты-жөндері толық анықталған жоқ.

Жергілікті ақпарат құралдарының мәліметінше, құрбандардың ішінде Ассам, Мегалая штаттарының тұрғындарымен бірге Непал азаматтары да бар.