Павлодарда тұрмыстық қалдықты өңдейтін зауыт салына бастады

Павлодарда тұрмыстық қалдықтарды қайта өңдейтін зауыт құрылысы басталды. Қаржы «Жасыл даму» бағдарламасы арқылы утилизациялық алым есебінен алынған. Мәселен, кәсіпорынды салу үшін кәсіпкер 4 млрд. 700 млн теңге  салады. Соның 2 млрд. 700 млн теңгесі Өндірісті дамыту қоры арқылы мемлекеттік бағдарлама бойынша 3 пайыз өсіммен беріліп отыр. 2 млрд теңге жеке инвестицияның үлесі. Жобаның тиімділігі сол, қоқыстан бірнеше өнім түрі дайындалады. Жылына 150 мың тонна тұрмыстық қалдық сұрыпталады. Бұл заңсыз полигондарды азайтуға үлкен сеп болмақ. Еліміз 2030 жылға дейін қалдықтардың 40 пайызын қайта өндеуді жоспарлап отыр.

Бұл кәсіпорын «Жасыл даму» бағдарламасы және «Таза Қазақстан» акциясы аясында салынып жатыр. Біз бұл жерде шыны, пластиктен басқа қайта өндеуге жарамды қалдықтарды тегіс сұрыптап, кәдеге жаратамыз. Бүгінде Павлодар қаласы жылына 110-120 мың тонна қалдықты сыртқа шығарады. Біздің зауытымыз жылына 150 мың тоннаны қайта өңдеуден өткізуге қауқарлы. Қала өсіп келе жатқандықтан экологиялық тазалықты қамтамасыз етуге дайынбыз.