Қысқы Олимпиада: М.Шайдоров қысқа бағдарламада 5 орынға шықты

Италияның Милан және Кортина-д’Ампеццо қалаларында өтіп жатқан XXV қысқы Олимпиада ойындарының төртінші жарыс күні аяқталды. Бұл күні 9 медаль жиынтығы сарапқа салынды. Қазақстандық спортшыларға келсек, фристайл могулдан Павел Калмаков 9-шы орын алды. Ал, мәнерлеп сырғанаудан Михаил Шайдоров мұз айдынына 26-шы болып шығып, өз бағдарламасын сенімді орындап, бесінші орынға тұрақтады. Төртінші күннің нәтижесі бойынша жүлде саны жағынан жалпы есепте Норвегия көш бастап тұр, Германия екінші, Швеция үшінші орында.

Мен мұзға шыққанда Қазақстанның туы өте көп екенін көрдім. Отандастарымның қолдауы керемет болды. Олимпиада ойындары бұл әлем чемпионаты емес, мен мұны сезіндім. Соңына дейін тырысып, жақсы өнер көрсеттім. Енді еркін айналымда бар күшімді саламын.