Екі ғимарат құлап, 9 адам қаза тапты

Ливанның Триполи қаласында көрші тұрған екі ғимарат құлап, 9 адам қаза тапты. Мұны жергілікті әкімшілік өкілдері мәлімдеп отыр. Олардың сөзінше, үйінді астында бірталай адам қалып қойған. Бірақ олардың нақты саны белгісіз.

Ливан ұлттық ақпарат агенттігінің хабарлауынша, құтқарушылар мен жергілікті тұрғындар 6 адамды алып шыққан, олар тірі. Іздеу операцияларына ауыр техника да тартылып жатыр.

Елдің жылжымайтын мүлік иелерінің кәсіподағы қайғылы оқиғаны «асқан салғырттық нәтижесі» деп атап, билікті бүкіл үйлердің қауіпсіздігін зерттеуге шақырды.