Гонконгтың әйгілі медиамагнаты 20 жылға сотталды

Гонконгтың әйгілі медиамагнаты Джимми Лайға бүгін 20 жыл жаза кесілді. Сотталушыға бұған дейін үш айып тағылған. Олардың екеуі шетелдіктермен сөз байласу, біреуі бүлікке шақыратын материалдарды тарату туралы.

Алғаш рет 2020 жылы тамызда тұтқындалған Лайға қатысты сот процесі бес жылға созылды. Бірақ ол өзіне тағылған айыптың ешқайсысын мойнына алған жоқ.

78 жастағы британ азаматы сотта сөйлеген сөзінде өзін Бейжің қудалаған «саяси тұтқын» деп атады. Алайда Қытай мен Гонконг шенеуніктерінің айтуынша, Лай ұлттық қауіпсіздік заңына сәйкес әділ тергеліп, жазаға тартылып отыр.