Жапонияда парламенттік сайлауда биліктегі либералдық-демократиялық партия басымдықпен жеңіске жетті

Жапонияда мерзімінен бұрын өткен парламенттік сайлауда премьер-министр Санаэ Такаити бастаған биліктегі Либерал-демократиялық партия жеңіске жетті. Оның жинаған дауыстары ең оптимистік болжамдардан да асып кеткен. Соңғы мәліметке қарағанда, ЛДП төменгі палатадағы мандаттардың үштен екі бөлігін иеленді.

Осылайша, Такаитиге өзінің бастамаларын оппозицияға қарайламай жүзеге асыратын мүмкіндік туып отыр. Айта кетсек, сайлау алдында үкімет басшысы салықты төмендетіп, субсидияларды арттыруға уәде берді.

Дегенмен сыншылар Такаитидің шығындарды көбейту жоспары Жапонияның әлсіз экономикасына көмектесе алатынына күмән келтіріп отыр.