Испания мен Португалия «Леонардо» дауылынан зардап шекті

Испания мен Португалия «Леонардо» дауылынан туындаған қатты жаңбырдың зардабын тартуда. Пиреней түбегіндегі қос елге бір тәулікте 40 см-ге дейін жауын түсіп, өзен-көлдер арнасынан асып, су тасқыны басталды. Салдарынан Португалияда бір адам қаза тауып, екі жүз адам оқшауланды. Табиғи апатқа байланысты елде жексенбі күні өтетін Президенттік сайлау кейінге шегерілді.

Ал Испанияда құтқарушылар төрт мың адамды қауіпсіз жерге көшіріп, із-түссіз жоғалғандарды іздестіріп жатыр. Андалусия аймағындағы елді мекендерде мектептер жабылып, теміржол, көлік қатынасы тоқтады. Алдағы күндері тағы да қатты боран соғатынын айтқан синоптиктер тұрғындарға мейлінше сақ болуды ескертеді.