«Адам дауысы» монооперасы тұңғыш рет қазақ тілінде сахналанбақ

Франсис Пуленктің «Адам дауысы» монооперасы тұңғыш рет қазақ тілінде сахналанбақ. Лирикалық шығарманы Төлепберген Әбдірашев атындағы Мемлекеттік академиялық симфониялық оркестрі орындайды. Оркестрдің көркемдік жетекшісі әрі бас дирижері – Қанат Омаров. Жан Коктоның пьесасы негізінде жазылған бұл лирикалық туынды адамның ішкі психологиялық жай-күйін музыка тілімен ашып көрсетеді. Мазмұнды кеш Жамбыл атындағы Қазақ мемлекеттік академиялық филармониясының Үлкен залында, 20 ақпан күні, 19:00-де басталады.