Басты Жаңалықтар Маңғыстауда күдіктіні ЖИ арқылы анықтау жүйесі іске қосылды

Маңғыстауда күдіктіні ЖИ арқылы анықтау жүйесі іске қосылды

04.02.2026 17:34

Маңғыстауда полиция департаментінің жедел басқару ортағында жасанды интеллект арқылы қылмыскерлерді немесе борышкерлерді анықтайтын жүйе іске қосылды.

«Таргетай» платформасы – бейнеаналитика, яғни көптеген камералардан түсетін видео түсірілімді жинап, оны автоматты түрде талдайды. Іздеудегі адамның бет-әлпетін таниды. Жүйе іске қосылғалы 500 ден астам күдік тудыратын жағдай тіркелген. 14 қылмыскер ұсталды. Қазіргі облыс бойынша 15 мың камера осы платформаға қосылды. Одан бөлек мектептер мен мемлекеттік мекемелердің бейнебақылау жүйесі де жедел басқару орталығына қосылып жатыр.

Серік Әшірбеков, облыстық ПД бастығының орынбасары:

Бұл бірінші кезекте анықталған тұлғаны телеграм чатқа жібереді. Жедел басқару орталығына келіп сигнал түседі. Содан кейін осы жедел түскеннің арқасында біз группа захвата дейді бірінші нарядты жіберіп, сол адамды ұстау нелерін ұйымдастырамыз. Соның арқасында бұл жедел болғандықтан, ол адам ізін суытпай сол жерде ұсталуы қамтамасыз етіледі.

Автор

Аягөз Оралбайқызы

Бөлісу