Әбу-Дабиде Украина – Ресей келіссөздерінің екінші раунды басталды

Осыдан бірнеше сағат бұрын Әбу-Дабиде АҚШ-тың араағайындығымен Украина – Ресей келіссөздерінің екінші раунды басталды. Мұны Киев делегациясының жетекшісі Рүстем Умеров өзінің телеграм-арнасында хабарлады.

Ресей бейбіт келісім жасау үшін Украина Донбастан әскерін толық әкетуі керек деп есептейді. Алайда Киев бұған үзілді-кесілді қарсы.

Тағы бір айта кететін жайт, тараптар Ресей армиясы басып алған Запорожье атом электр станциясының болашағы мәселесінде де ортақ мәмілеге келе алмай отыр.