Қытайда көліктің тұтқасын жасыруға тыйым салды

Қытайда есігінің тұтқасы жасырылған көлікке тыйым салынды. Бұл талап 2027 жылы қаңтардың 1-де күшіне енеді. Елдің өнеркәсіп және ақпараттық технология министрлігінің мәліметінше, келесі жылдан бастап барлық автомобиль механикалық ашу тұтқасымен жабдықталуға міндетті. Ал өндіріске рұқсат алып қойған модельдердің есік конструкциясына өзгеріс 2029 жылға дейін енгізілуі керек.

Жергілікті шенеуніктердің сөзінше, электрондық есіктер жол апаты кезінде ашылмай қалып, бірнеше адам көліктен шыға алмай қалған. Сондықтан жаңа ереже қауіпсіздікті қамтамасыз ету мақсатында қабылданып отыр.