Америкалық әскерилер Араб теңізінде ирандық дронды атып түсірді

АҚШ қарулы күштері «Абрам Линколь» ұшақ тасығыш кемесіне жақындаған ирандық дронды атып түсірген. Мұны Құрама Штаттар армиясының орталық қолбасшылығының баспасөз қызметі хабарлады. Оның дерегінше, «Шахед-136» пилотсыз аппаратын Араб теңізінде Американың F-35 жойғыш ұшағы құлатқан. Осы оқиғадан кейін әлемде мұнай бағасы бір долларға қымбаттады.
Арада шамалы уақыт өткенде Иранның революция сақшылары корпусының дронмен жабдықталған екі қайығы Ормұз бұғазында Америка туымен кетіп бара жатқан сауда танкерінің ізіне түсті. Соңғы мәліметке қарағанда, АҚШ-тың әскери кемесі іске араласқаннан кейін коммерциялық су көлігі қауіпсіз жерге әкетілген.