Токио университеті «Нипах» вирусына қарсы вакцинаны сәуірде сынай бастайды

Токио университетінің озық ғылым және технология орталығының мамандары жаңа вакцина ойлап тапты. Ол «Нипах» вирусымен күресте тиімді болады деген болжам бар. Nikkei газетінің хабарлауынша, бұл екпе сәуір айында адамдарға сынала бастайды.

«Нипах» жұқтырған науқастар арасында 40-тан 75 пайызға дейінгісі өліммен аяқталуы мүмкін. Бұл ауру осы айдың басында Үндістанның Батыс Бенгал штатында екі адамнан табылды. Дегенмен, олармен байланыста болып, карантинге жабылған 196 тұрғыннан қауіпті вирус анықталмады.

Дүниежүзілік денсаулық сақтау ұйымының дерегінше, «Нипахтың» әлемге тарау мүмкіндігі төмен.