Анталияда жол апатынан 9 адам қаза тапты

Түркияның Анталия қаласында жолаушылар автобусы апатқа ұшырап, кемінде 9 адам қаза тапты. Тағы 26-сы жараланып, ауруханаға жеткізілген. Жалпы алғанда, қоғамдық көлікте 34 адам болыпты.

Темірдаг қаласынан Анкараға аттанған автобус жолға шыққанда жауын жауып тұрған және айналаны қою тұман басқан. Оқиға орнына дереу құтқарушылар жетіп, зардап шеккендерге көмек көрсетті.

Анталия губернаторы Хулуси Сахин мәлімдегендей, қазір апаттың нақты себебі анықталып жатыр.