Хаменей АҚШ-тың шабуылынан аймақтық қақтығыс басталатынын ескертті

Егер Америка Құрама Штаттары Иранға шабуыл жасайтын болса, бұл аймақтық қақтығысқа ұласады. Мұны Ислам Республикасының рухани жетекшісі Аятолла Әли Хаменей жергілікті тұрғындармен кездесуде айтты.
Еске салайық, соңғы апталарда АҚШ Таяу Шығыстағы әскерін күшейтті. Әрі президент Дональд Трамп Тегеран ядролық келісім жасауға келіспесе, Иранның ішкі істеріне араласатынын бірнеше рет мәлімдеді. Иран болса, мәселені дипломатиялық жолмен шешуге дайын екенін білдіргенімен, өзіне соққы бергісі келген кез келген елге қатаң жауап қайтаратынын ескертіп отыр.