Қызылорда облысындағы мектептерде экосабақ өтті

Қызылорда облысы Арал ауданында «Таза Қазақстан» экологиялық акциясы аясында мектеп қабырғасында ашық сабақтар өтті. Оқушыларға қоршаған ортаны күтіп ұстап, табиғатты аялау тақырыбында тәлім-тәрбие берілді.  

Эко-сабақ арқылы ұстаздар жас ұрпақтың санасына тазалық мәдениетін қалыптастырып, жалпыхалықтық акцияның мән-маңызын түсіндірді. Ауқымды бастама аясында өңірде былтыр 250-ден аса мәдени-тарихи орындар, өзен-көлдердің айналасы қоқыстан тазартылған. Барлық саябақ абаттандырылып, 250 мыңнан аса ағаш көшеті отырғызылды. Бүгінде бұл акцияға мектеп оқушылары да өзіндік үлес қосып келеді. Білім ошақтарында қалдықты сұрыптауға бейімдейтін арнайы қоқыс жәшіктері қаралған.