«Таза Қазақстан»: Былтыр 25 мыңнан аса экологиялық құқықбұзушылық анықталған

Ақмола облысында тәртіп сақшылары «Таза Қазақстан» акциясы аясында былтыр 25 мыңнан аса экологиялық құқықбұзушылықты анықтаған. Нәтижесінде 127 стихиялық қоқыс орны жойылды. Бүгінде акция  Президент айтқандай, тек экологиялық емес, ниеттің тазалығына айналып отыр, - дейді полицейлер. Яғни еріктілер жалғызілікті қарттардың аулаларын қардан тазалауға белсенді қатысып жүр. Игі шара облыс бойынша қолға өтіп жатыр.

Алмагүл Тұрсымбаева, Ақмола облысы ПД аға инспекторы:

Әр азамат өз ортасына жауапкершілікпен қарауы тиіс. Акция аясында біз халықпен жүздесіп, түсіндіру жұмыстарын да жүргіздік. Себебі мақсатымыз айыппұл салу емес, тұрғындардың санасын ояту. Нәтижесінде 200 тоннаға жуық қоқыс шығарылды. «Таза Қазақстан» акциясы әлі де жалғасуда.