АҚШ-та бораннан миллионға жуық адам жарықсыз қалды

АҚШ-тың 24 штатында боранға байланысты төтенше жағдай жарияланды. Миллионға жуық тұрғын электр қуатынсыз қалған. Елдің шығыс бөлігінде көлік қатынасы үзілді. Жексенбіде 10 мыңнан астам ұшақ рейсі доғарылған. Қар күні-түні жауып, содан кейін күн суытып, қар аралас жаңбыр жауды. Жел екпіні де күшейді. Мұндай ауа-райы апта бойы сақталуы мүмкін. Бұл күндері тұрғындар үйден шықпауға дайындалып жатыр. Демалыс күндері азық-түлік дүкендерінің сөрелері босап қалған. Боран салдарымен күреске мыңдаған маман, 2 мыңнан астам қар тазалайтын машина шықты. Ауа-райының қолайсыздығына байланысты мемлекеттік қызметкерлердің кейбірі қашықтан жұмыс істеуге көшті.