Зеленский: Қауіпсіздік кепілдігі туралы құжат 100% дайын

АҚШ-тың Украинаға арналған қауіпсіздік кепілдігі туралы құжат 100 пайыз дайын. Украина президенті Владимир Зеленскийдің айтуынша, енді оған қол қою күні мен орнын белгілеу ғана қалған. Бұдан кейін құжат АҚШ Конгресінде және Украина парламентінде ратификациялауға жіберіледі. Сонымен бірге Литвадағы баспасөз-мәслихатында Зеленский демалыс күндері Абу-Дабиде Украина, Ресей және АҚШ арасында үшжақты келіссөз өткенін мәлімдеді. Тараптар Вашингтонның соғысты аяқтауға бағытталған 20 тармақтан тұратын жоспарын талқылаған. Алайда келісімге келе алған жоқ. Кезекті кездесу Абу-Дабиде алдағы жексенбіде өтуі мүмкін.