Баланың теріс әдеттері үшін ата-аналарға жауапкершілік күшейді - фейк

«Баланың теріс әдеттері үшін ата-аналарға жауапкершілік күшейді». Желіде осындай мазмұндағы хабарламалар тарап жүр. Алайда, бұл - ақпаратты бұрмалау дейді жалған ақпаратқа қарсы іс-қимыл орталығы. Қазақстанда Әкімшілік кодекстің 127-бабы бұрыннан бар. Ол бойынша ата-ана өз міндетін мүлдем орындамаса ғана жауапқа тартылуы мүмкін. Яғни, ата-ана үнемі ішімдік ішіп, балаға қарамай кетсе, үйде баланың өмір сүруі мен дамуы үшін ешқандай жағдай жасалмаса, ата-ананың жүріс-тұрысы баланың психикасы мен тәрбиесіне зиян тигізіп жатса ғана полиция іс қозғайды. Әрбір іс жеке тәртіппен қаралады, ал шешім тек сот арқылы қабылданады. Орталық мамандары желідегі қаралым жинау үшін тарайтын бұрмаланған ақпараттарға сенбеуге шықарады.