Көкшетау, Семей және Өскеменде ЖЭС салу көктемде басталады

Көкшетау, Семей және Өскемен қалаларында жылу электр орталығының құрылысы сәуір айында басталады. Әсіресе көкштаулықтар орталықтың құрылысын асыға күтіп отыр. Себебі қазандықтың қуаты 200 мыңға жуық тұрғыны бар шаһарды жылумен қамтамасыз етуге қауқарсыз. Салдарынан қала шетіндегі Юбилейный мен Жайлау ықшамаудан тұрғындары қыстан бүрсең қағып шығады.

Таңертең үйдегі температура 8-9 градусқа дейін төмендеп кетеді. Амалсыздан электрмен жылыту құралын қосамыз. Оның өзінде 14 градусқа дейін көтеріледі, болды. ЖЭО-ның құрылысын тездетеді деп естідім, тезірек салынса жақсы болар еді.

Қатты аязды күні біздің пәтерлерде 14,15,16 градус суық болып жатыр. Кішкентай балалар бар, немерелер бар, олар да тоңып жатыр. Жылу электр станциясын Президентіміздің шешімімен салыну керек деп естіп жатырмыз. Соған да қуанып жатырмыз.

Қазіргі уақытта жобалық-сметалық құжаттама жасалып жатыр. Құрылыс жұмыстары осы сәуір айында басталатын болады. Қаңтар айында мердігер ұйым анықталады да, қаңтардың соңына дейін келісімшарт жасалады.