Жапония парламентінің төменгі палатасы таратылды

Жапония премьер-министрі парламенттің төменгі палатасын таратты. Осылайша депутаттардың өкілеттігі мерзімінен бұрын тоқтатылды. «Рейтер» агенттігінің мәліметіне сай премьер Санаэ Такаичи рейтингі жоғары болып тұрғанда жалпыұлттық сайлау өткізуді көздейді. Кезектен тыс сайлау науқаны қаңтардың 27-де басталып, дауыс беру ақпанның 8-де өтеді. Нәтижесінде басқарушы Либерал-демократиялық партия мен Жапония инновациялық партиясы жеңіске жетсе, парламенттің арнайы сессиясында Такаичи премьер-министр лауазымына қайта бекітіледі.