Күн райына байланысты 15 аймаққа ескерту айтылды

Еліміздің 15 өңірінде ауа райына байланысты ескерту жасалды. Басым бөлігінде қар жауып, бұрқасын болады деп болжануда. Ал Астанада екінші ауысымның 6-сыныпқа дейін оқушылары сабақты онлайн оқиды. Республикалық жолдың біраз бөлігіне шектеулер енгізіліп жатыр. Сондықтан 1403 байланыс орталығына хабарласып, жолға қатысты соңғы ақпаратты алуға болады. Орталық тәулік бойы жұмыс істейді. Ал мамандар тұрғындарға ұзақ жолға шыққанда сақ болуды және ақпараттық хабарламаларды қарап отыруға кеңес береді.