Ресейде қатерлі ісікке қарсы жаңа дәрі шығарылды

Ресейде ракқа қарсы жаңа дәрі шығарылды. Препарат қуық асты безінің қатерлі ісігіндегі сүйек метастазаларын емдеуге арналған. Радиофармацевтикалық дәрі бір жыл бойы клиникалық сынақтан өткізіліп, онкологияда қолдануға ресми түрде рұқсат етілді. Дәрі қазір медициналық мекемелерге жіберіле бастады. Препарат терапияның 600-ден астам циклынан өткен. Мамандардың сөзінше, қуық асты безінің қатерлі ісігінің даму қаупі 45 жастан асқан еркектердің 70 пайызында кездеседі.