«Заң мен тәртіп» жобасы аясында деректі фильм түсірілді

Солтүстік Қазақстан облысында 700 келіден астам есірткі тәркіленді. Бұл – былтырғы көрсеткіш. Есірткіге қатысты 200-ден астам қылмыстық іс қозғалған. Статистикалық мәліметтерге сүйенсек, жауапқа тартылғандардың басым бөлігі – жастар. Көбі оңай ақшаға қызығып, қылмыскерге айналады дейді мамандар. Алдын алу мақсатында тұрғындарға деректі фильм ұсынылды. Материал «Заң мен тәртіп» жобасы аясында прокуратура мен Полиция департаментінің тапсырысы бойынша әзірлерген. Кейіпкерлердің бірі есірткі сатқаны үшін жазасын өтеп жүрсе, екіншісі - сотталған баласы үшін сары уайымға салынған ана. 

Мұхаметқалиев, СҚО ПД бастығының бірінші орынбасары:

2025 жылы біз СҚО-да 200-ден астам қылмыстық құқықбұзушылық анықтадық, осы есірткімен байланысты. Бұл фильмді жасөспірім, студент арасында, мектеп оқушыларына және тұрғындарға көрсетеміз.