Міндетті автосақтандыру ережелері өзгереді

Ақпан айынан бастап міндетті автосақтандыру жүйесіндегі өзгерістер күшіне енеді. Оның базалық бағасы - 8217 теңге. Бұл айлық есептік көрсеткіштің өсуімен байланысты.

Айта кету керек, базалық құн бастапқы баға ғана. Ал сақтандыру полисінің соңғы бағасы әртүрлі коэффициентті ескере отырып есептеледі. Мәселен, сақтандыру бағасы жол апаты жиі тіркелетін өңірлерде қымбаттау болады. Сондай-ақ жаңа ережеде автосақтандыруды алғаш рет рәсімдеген жүргізушілер үшін тарифтік мөлшерлемелерді төмендету көзделген.