Трамп Еуропа елдеріне тариф енгізбейтінін мәлімдеді

АҚШ президенті Еуропаның 8 еліне баж салығын енгізбейтінін жариялады. Мұның алдында Дональд Трамп Гренландияны күшпен басып алмайтынын айтқан еді. Бұл мәлімдемелерді Америка Президенті Швейцарияның Давосындағы Дүниежүзілік экономикалық форум аясында жасады.

Әлеуметтік желіде Ақ үй басшысы НАТО-ның бас хатшысы Марк Рюттмен кездесуден соң Гренландияға қатысты келісімнің негізі жасалғанын жазды. Алайда бұл қандай келісім екені белгісіз. Трамп оның егжей-тегжейі келіссөз барысында айтылатынын мәлімдеді.