Әзербайжан мен Армения арасында ынтымақ нығайды

Әзербайжан мен Армения арасындағы соғысты аяқтау туралы келісімдер жемісін бере бастады. Бұл туралы Әзербайжан президенті Ильхам Әлиев Швейцарияның Давосында өтіп жатқан экономикалық форумда мәлімдеді. Әлиевтің айтуынша, қақтығыстың жалғасуы тағы қайғы-қасіретке әкелетін еді. Сол себепті Әзербайжан мен Армения жетекшілігі соғысты тоқтату туралы ортақ шешім қабылдады деді ол. Баку мен Ереван 30 жылдан астам уақытқа созылған әскери текетіресті былтыр тамызда Вашингтонда тарихи келісім жасап аяқтаған еді.