Ресейде алаяқтар көбейіп кеткен

Ресейде алаяқтардың кесірінен тұрғындар соңғы алты айда 8,2 миллиард рубльінен айырылған. Бұл өткен жылғы көрсеткіштен 50 пайызға көп. Сондықтан қылмыстың бұл түріне қатысты жазаны күшейту ұсынылды. Банктік шоттан ұрлық жасағаны үшін сегіз жылға дейін бас бостандығынан айырылуы мүмкін, оған қоса 500 мың рубль айыппұл салынады. Электрондық төлем құралдарын, сондай-ақ ұйымдасқан топпен  алаяқтық жасағаны үшін 10 жылға дейін бас бостандығынан айыру және 1 миллион рубльге дейін айыппұл салу қарастырылған.

Мыңдаған зейнеткер, мыңдаған қарапайым отбасы алаяқтардың құрбаны болып, баспанасынан айырылды. 9 мыңнан астам іс сотта қарауда. Өкінішке орай бұл азаматтар заңмен қорғалмаған, үйін қайтаруға жылдар кетеді. Сондықтан баспананы заңсыз иемденген алаяқтарға да жазаны қатаңдату керек.