Ресейдің Камчаткасында қардың қалыңдығы 4 метрге жеткен

Ресейдің Камчатка өлкесінде соңғы 30 жылда болмаған қар жауды. Оның қалыңдығы 4 метрге жеткен. Ақ ұлпа өңірде 1 аптадан астам уақыт жауған. Қалалар мен ауылдарды, көліктерді, үй кіреберістерін толықтай қар басты. Тіптен кей жерлерде қар көп қабатты ғимараттардың 9-шы қабатына дейін жеткен. Мектептер мен колледждерде сабақ тоқтап, балалар қашықтан оқуға көшті. Коммуналдық қызметтер күні-түні жұмыс істеуге мәжбүр. Алайда көшелерді тазартуға арнайы техниканың да күші жетер емес. Ауа-райының қолайсыздығына байланысты авиация мен қоғамдық көлік қатынасы қиындады. Қалың қардың салдарымен күреске полиция, құтқарушылар мен жедел жәрдем қызметі тартылған. Ғалымдардың айтуынша, мұндай ауа-райына Тынық мұхит үстіндегі циклон ықпал етсе керек.