Еуропа лидерлері тарифке қатысты пікір білдірді

Еуропаның 8 елінің лидерлері АҚШ президенті Дональд Трамптың Гренландия үшін тариф енгізу туралы мәлімдемесін сынға алды. «Мұндай қадам трансатлантикалық ынтымаққа нұқсан келтіреді», – дейді. Дания, Ұлыбритания, Франция, Германия, Нидерланды, Норвегия мен Швеция лидерлерінің мәлімдемесі осыған саяды. Трамптың қысым көрсетуінен кейін Еуроодаққа мүше 27 елдің елшілері деңгейінде шұғыл отырыс өтті. Мұның алдында АҚШ президенті ақпанның 1-нен бастап аталған 8 елдің тауарларына 10 пайыз көлемінде баж салығын енгізетінін хабарлады. Кейін тариф 25 пайызға өсуі мүмкін екенін де ескертті. Трамп Дания құрамындағы Гренландия автономиясы АҚШ қауіпсіздігі үшін маңызды деп, оны күшпен басып алу мүмкіндігін де жоққа шығармады.