Ақмола облысында су бақылау гидротехникалық нысаны салынады

Ақмола облысында көктемгі тасқын судың алдын алу мақсатында Есіл су бақылау гидротехникалық нысаны салынбақ. Жоба жуырда мемлекеттік сараптамадан өтті. Жаңа нысан 870 млн текше метрге дейін суды жинақтап, Ақмола мен Солтүстік Қазақстан облыстарындағы елді мекендерді су басу қаупінен қорғайды. Сондай-ақ 25 мың гектарға дейін суармалы жерді сумен қамтамасыз етеді. Азия даму банкінің қаражаты есебінен биыл нысанның құрылысы басталады.