V ұлттық құрылтай: Секциялық жұмыстар басталды

Қайырлы таң Әділбек, ашық диалог алаңында қандай мәселелер көтеріледі? Күн тәртібі бекітілді ме?

Қайырлы таң. Иә, құрылтай мүшелері төрт секцияға бөлінген. Түске дейінгі бағдарламада білім және ғылым, әлеуметтік-мәдени даму бағыттары бойынша ұсыныс-пікірлер айтылады. Елдің дамуына серпін беретін ұтымды идеялар мен өзекті бастамалар құрылтай мүшелерінің талқы таразысынан өтіп, ресми хатталатын болады. Секциялық отырыстардың басталғанына да бірер минут қана уақыт болды. Менің жанымда ұлттық құрылтай мүшесі, белгілі ғалым Дихан Қамзабекұлы тұр.

Дихан Қамзабекұлы — Ұлттық құрылтай мүшесі:

Түстен кейін азаматтық қоғам және экономикалық даму секцияларының отырысы өтеді. Жалпы былтыр Бурабайда өткен ұлттық құрылтайдың қорытындысымен Президент Үкіметке 54 нақты тапсырма жүктеген болатын. Соның бір сыпырасы бүгінде орындалған. Атап айтсақ, тұрмыстық зорлық-зомбылыққа, құмар ойынға, есірткі саудасына қарсы қылмыстық жауапкершілік күшейтіліп, заңдарға бірқатар өзгерістер енгізілді. Ал білім саласы бойынша елде 15 апатты мектеп қайта салынып, үш ауысыммен оқыту мәселесі шешімін тапты.