Маңғыстау облысында өрт сөндіру көлігі тұрғын үйді соғып, екі адам қаза тапты

Маңғыстау облысында өрт сөндіру көлігі жеке тұрғын үйге соғылып, екі адам қаза тапты. Қайғылы жағдай Жаңаөзен қаласында болған. Шақыртуға бара жатқанда арнайы техника жеңіл көлікпен соқтығысып барып, тұрғын үйге соғылған. Жол-көлік апатынан 2 адам қаза тауып, 5 адам зардап шекті. Түрлі дене жарақатын алғандардың арасында үш өрт сөндіруші бар. Барлығы да ауруханаға жеткізілген. Апатқа қатысты сотқа дейінгі тергеу басталды, оқиғаның мән-жайы анықталуда.