Иранда жаппай шерулер кезінде қаза тапқандар саны 3090-ға жетті

Иранда жаппай шерулер кезінде қаза тапқандар саны 3090-ға жетті. Мұны АҚШ-та орналасқан Адам құқығы белсенділерінің ақпарат агенттігі хабарлап отыр. Құрбандардың 100-ден астамы – қауіпсіздік қызметкерлері. Үкімет пен оппозиция болса, 2 мыңдай адамның мерт болғанын мәлімдеді.
Соңғы ақпараттарға қарағанда, 8 күн бойы бұғатталған интернет кейбір аудандарда ішінара қайта іске қосылып жатыр.
Айта кетсек, Ислам Республикасында ұлттық валютаның құнсыздануына қарсы демонстрациялар желтоқсанның 28-де басталды.