Ақ Үй Газа секторын уақытша басқаратын кеңес мүшелерінің есімдерін атады

АҚШ президенті Дональд Трамптың жоспарына сәйкес, Газа секторын уақытша басқаруы тиіс «Бейбітшілік кеңесі» мүшелерінің есімдері жарияланды. Тізімді Ақ үй таратты. Онда АҚШ мемлекеттік хатшысы Марко Рубио, Трамптың арнайы елшісі Стив Уиткофф, Британияның бұрынғы премьер-министрі Тони Блэр, Трамптың күйеу баласы Джаред Кушнер, Түркия сыртқы істер министрі Хакан Фидан және тағы басқалары бар.
Жаңа кеңес мүшелері Газаға белгілі бір уақыт жетекшілік етіп, халықаралық ресурстарды үйлестіріп, 2-жылдық соғыстан тас-талқаны шыққан палестиналық анклавты қалпына келтіру жұмыстарымен де айналысады.