«Imam AI» мобильді қосымшасы іске қосылады

Енді діни сұрақтарға имамдардан бөлек, жасанды интеллект те жауап береді. Қазақстан мұсылмандары діни басқармасы жасанды интеллект негізінде жұмыс істейтін, сенімді дереккөздерге сүйеніп, діни сұрақтарға лезде жауап беретін «Imam AI» мобильді қосымшасын әзірлеп, іске қоспақ. Бұл туралы Бас мүфти Наурызбай қажы Тағанұлы мәлімдеді. Қазақстан мұсылмандары діни басқармасы заман талабына сай жасанды интеллект мүмкіндіктерін діни салада жүйелі түрде енгізуді қолға алмақ. Бұл қадам ең алдымен халықтың діни сұрақтарына жедел әрі сенімді жауап беруге, сондай-ақ дін қызметкерлерінің жүктемесін азайтуға жол ашпақ.