Дәрігерлер ішегі бірнеше жерден тесілген науқасты аман алып қалды

Шымкенттік дәрігерлер ішегі бірнеше жерден тесілген 38 жастағы азаматты аман алып қалды. Науқас ауыр халде ауруханаға жеткізілген. Тексеру барысында ас ішегінде бірнеше тесік пайда болып, іш қуысына инфекция тарағаны анықталды. Шамамен 3 сантиметрлік өткір сүйек ішекті тесіп, перфорация мен перитонит тудырған. Науқасқа шұғыл ота жасалып, сүйек алынып, зақымданған ішек бөліктері қалпына келтірілді. Іш қуысы тазартылды. Қазіргі таңда науқастың беті бері қарады.