Өзбекстанда халық санағы басталды

Өзбекстанда халық санағы басталды. Көрші елде жалпыұлттық санақ соңғы рет 1989 жылы өткізілген. Халық санағында тұрғындар мен ауыл шаруашылығы бойынша деректер жиналады. 45 күнге созылатын шара бірнеше кезеңнен тұрады. Алғашқы екі аптада тұрғындар үшін онлайн санақ қолжетімді болады. Халық арнайы портал арқылы форманы онлайн толтыра алады. Олардың тізімі мен мекенжайы туралы мәлімет ақпан айының басында өңделеді. Ал мұнан соң санақшылар үй-үйді аралап, онлайн өтпеген тұрғындарға сауалнама жүргізеді. Бір жылдан астам уақыт шетелде тұрып жатқан азаматтар, аккредиттелген өкілдіктер мен халықаралық ұйымдарда жұмыс істейтіндер санаққа енгізілмейді.