Австралияда әлеуметтік желіде 4,7 млн жасөспірімнің парақшасы жабылды

Австралияда 16 жасқа дейінгілердің әлеуметтік желіні қолдануына тыйым салынғанына бір айдан асты. Осы уақыт ішінде 4,7 миллион жасөспірімнің аккаунты жойылған. Мұны осы елдің премьер-министрі Энтони Албаниз мәлімдеді.

Қазір Австралияның тәжірибесін бүкіл әлем жіті бақылап отыр. Франция, Малайзия, Индонезия дәл осындай заң қабылдайтынын мәлімдеді. Сонымен қатар Еуропаның кейбір мемлекеттері мен АҚШ-тың бірқатар штаттары да жасөспірімдер үшін әлеуметтік медианы шектеу мәселесін талқылап жатыр.

Австралия үкіметінің ойынша, бұл тыйым өскелең ұрпақты интернеттің жағымсыз әсерінен қорғау үшін қажет. Алайда адам құқығын қорғаушылардың ойынша, жаңа заң балаларды өзгелермен тілдесу және ақпарат алу мүмкіндігінен айырып отыр.